‘නම සිංහවංශ උනාට මම ලංකාවේ කෙනෙක් නෙවෙයි’ ජනප්‍රිය ගායිකා උමාරියා කියන කතාව

සිංහල, දෙම්ළ, හිංදි, ද්‍රවිඩ, ජපන්, අරාබි යන විවිධ භාෂා ගනනාවකින් සිය ගායන හැකියාව පෙන්වන ඇය නමින් උමාරියා සිංහවංශ. වේදිකාව මත කිසිදු බයක් සැකයක් නැතුවම ගීත ගායනා කරන ඇය එදා සිටම ප්‍රේක්ෂකයන්ගේ ආදරයට ගෞරවය පත් වු ඇය ගැනයි මේ කතාව. පවුලේ බාලයා වෙන උමාරියා ගායන ලෝකයේ කවුරුත් දන්න උමාරාගේ එකම නැගණිය.

හැබැයි අපිට දැනගන්න ලැබුනා උමාරියා කියන්නේ සිංහල කෙනෙක් නෙවෙයි කියලා ඇත්තද ඒක ”ඔව් මම සිංහල නෙවෙයි. නමුත් අපි ශ්‍රීලාංකිකයෝ මම මගේ ලංකාවට ගොඩක් ආදරෙයි. මගේ තාත්තා ටෝනි සිංහ වංශ, අම්මා අයේෂා සිංහවංශ ඒ දෙන්නම වෘත්තියෙන් සංගීතඥයින්. අපේ පරම්පරාව පැවතෙන්නේ ඉන්දුනීසියාවෙන්”

උමාරියා පාසල් කාලේ ඉදන්ම සංගීතයට දක්ෂ ද යන්න අපි ඇසු ප්‍රශ්නයට ඇය දුන්නේ මෙවැනි පිළිතුරක්. “නෑ පාසල් කාලේ ඇත්තටම මම ගීත ගායනා කලේ කාටවත් ඇහෙන්න නෙවෙයි. මගේ අම්මා තාත්තා අක්කා තුන්දෙනාම ගීත ගායනා කළා. හැබැයි මම බාත්රූම් එකේ කවුරුත් නැති තැනක තමා ගිතයක් කියන්නේ. පාසල් කාලේ ඇත්තටම මම මුල් තැන දුන්නේ අධ්‍යාපනයට. කොහොම වුනත් දෛවයේ ලියවිලා වගේ බිස්නස් වලට විශිෂ්ඨ සාමාර්ථ ගත්ත මම සංගීතයට යොමු වුනා.”

ඒ කියන්නේ උමාරියාගේ සංගීත ගමන අහම්බයක්, “මගේ අක්කා සංගීතය එක්ක ජිවත් වුන කෙනෙක්. දවසක් මම පාසල් ඇරිලා අක්කා එක්ක භාතිය සන්තුෂ් ස්ටුඩියෝ එකට ගියා. එතනදි අක්කා සිංදු කියද්දි මමත් නිකමට සිංදුව තනියම කියවද්දි භාතියට ඒක ඇහිලා මට සිංදුවක් කියන්න කිවා. එදා මගේ මගේ ජිවිතේ සංගීතයට ආරම්භක දවසක වුනේ. කියන්නම ඕනි මගේ අක්කා තමා නිරතුරුව මාත් එක්ක මේ ගමනේ ලගින්ම හි⁣ටියේ.”

සංගීත ලෝකයේ ඔබ ලබාගත් ජයග්‍රාහණ ගැන මතක් කලොත්, “මගේ සංගීත ලෝකයේ හැරවුව චීනයේ පැවති සංගීත තරඟයක ජයග්‍රාහණය. ඒ මට අවුරුදු 19 දි. පස්සේ මම ආසියාව නියෝජනය කරමින් තරඟයකට සහභාගි වෙද්දි මට ලෝකඩ පදක්කම හිමි වුනා. ඊට පස්සේ ලෝකයෙ ලොකුම සංගීත තරඟය යුක්ක්‍රේනයේ පැවතුනා. ඒකට මමයි අක්කායි දෙන්නම සහභාගි වුනා. අපිට ඒකෙත් ලෝකඩ පදක්කම හිමි වුනා. ඔය විදිහට තමා ටික ටික මේ ගමන එද්දි ජයග්‍රාහණ ලැබුනේ”

උමාරියා මේ වෙද්දී දෙවන වරටත් විවාහ වෙලා ඉන්නේ ඇගේ අත ගත්තේ සංගිතයට මෙන්ම තොරතුරු තාක්ෂණ අතින් දක්ෂ දෙව්ශාන් පෙරේරා. අවුරුදු දෙකකට වඩා වැඩි කාලයක් ඔවුන්ගේ විවාහ දිවියක් ගතකරන උමාරියා පවසා සිටියේ ඇගේ ගමනට සිය සැමයාගෙන් ලොකු උදව්වක් ලැබෙන බවයි.