ඔබේ බර අඩු කරගන්න උපකාරී වන උපදෙස් 7 ක් මෙන්න

වයස කියන්නේ සිරුරේ බර වැඩි වීමට බලපාන එකම හේතුව නෙවෙයි. අපගේ දෛනික ජීවන රටාවේ වෙනස්කම් නිසා ද සිරුරේ බර වැඩිවීමට පුලුවන්. උදාහරණ ලෙස නීරෝගි සමබල ආහාර වේලක් නොගැනීම, ක්ෂණික ආහාර වලට හුරු වීම, ක්‍රියාශීලි බව අඩුවිම ,සිරුරට ව්‍යායාම නොලැබීම ,  සිරුරට අහිතකර පුරුදු වලට ඇබ්බැහි වීම (මත්පැන්) ආදි හේතු ඊට බලපෑ හැකියි.

ක්‍රමයෙන් වයසට යන විට එක්වරම මෙවැනි වෙනස්කම් සිදුවීමත් සමඟ සිරුර ඊට ප්‍රතිචාර දක්වන ක්‍රමයක් තමයි සිරුරේ බර වැඩිවීම. වයස්ගත වීමේදී ලෙඩ රෝග වැලඳීමේ අවදානමද වැඩිවේ. එබැවින් සිරුරේ තරබාරු බව එම අවදානම දෙගුණ තෙගුණ කරවිය හැකියි.  තරබාරු බව නිසා අධි රුධිර පීඩනය, දියවැඩියාව, කොලෙස්ටරෝල් , හෘදයාබාධ තත්ව වැනි රෝග පීඩා වැලඳීමේ ඉහළ හැකියාවක් ඇත. මනා ශරීර ස්කන්ධයක් පවත්වාගැනීම වඩාත් හිතකර බැවින් වයසට යන විට ඔබේ සෞඛ්‍යය ගැන නිරන්තරයෙන් සැලකිලිමත් වීම ඉතා වැදගත් වේ.

වයසට යන විට සිරුර වඩාත් නීරෝගීව වගේම මනා ක්‍රියාශීලි ක්‍රියාකාරීත්වයකින් පවත්වාගැනීමට ඔබට උපකාරී වන වටිනා උපදෙස් 7  ක් ගැනයි මේ කියන්න සූදානම් වෙන්නේ.

01. ෆ්ලෙවනොයිඩ අඩංගු පලතුරු ආහාරයට ගන්න

විද්‍යාඥයින් විසින් හෙලිදරවු කරන්නේ ෆ්ලෙවනෝයිඩ (flavonoid) බහුල ආහාර වැඩි වශයෙන් පරිභෝජනය කිරීම හරහා ශරීර ස්කන්ධය මනාව පාලනය කිරීමේ හා බර අඩුවීමේ ක්‍රියාවලියට ධනාත්මක බලපෑම් ඇතිකරවන බවයි. සිරුරේ බර අඩුකිරීමට උපකාරී වන ආහාර වර්ග කිහිපයක් පහත පරිදිය:

  • බෙරි වර්ග (ක්‍රැන්බෙරි, ස්ට්‍රෝබෙරි, කැලෑ බෙරි…),චෙරි ,මිදි වර්ග,තේ,ඇපල්.ලූණු,ලීක්ස්,බ්‍රෝකෝලි ගෝවා

ඔබේ එදිනෙදා ආහාර වේලට මෙම ආහාර වර්ග එක්කරගැනීමෙන් ඔබේ සෞඛ්‍යයට වඩාත් හොඳ ප්‍රතිඵල අත්කරගැනීමට ඔබට හැකි වේවි.

02. කායිකව ක්‍රියාශීලීවන්න.

සිරුර වයස්ගත වන විට පරිවෘත්තිය වේගයද මන්දගාමී වේ.එහි ප්‍රතිඵලයක් ලෙස මේද එකරාශී වී තැන්පත්වීම සිදුවෙමින් සිරුරේ බර රාත්තල් වලින්ම වැඩිවීමේ අවදානමක් ඇත. එසේ සිරුරේ මේද තැන්පත්වීම වළක්වාගැනීමට ඇති හොඳම ක්‍රමය වන්නේ මනා ක්‍රියාශීලිබවකින් සිටීමයි. එනම් දිනපතාම ව්‍යායාම වල නිරත වීමයි. නමුත්, සිරුරට අවදානම අඩු ව්‍යායාම් අභ්‍යාස අනුගමනය කිරීම වඩාත් සුදුසුයි.

ව්‍යායාම් හරහා සිරුරේ මාංශ පේශීන් සහ සන්ධි ශක්තිමත් කරමින් ඒවායේ ක්‍රියාශීලි බව හා තරුණ බව ආරක්ෂා කරමින් සිරුර වියපත් වීමේ ක්‍රියාවලිය මන්දගාමී කරවයි.

මෑතකදී සිදුකල අධ්‍යයනයකින් හෙලි වී ඇත්තේ දිනපතා තෙවරක් බැගින් මිනිත්තු 10 ක්  ව්‍යායාම් සිදුකිරීම මිනිත්තු 30 ක් පුරාවට නොනවත්වා සිදුකරන කායික ක්‍රියාකාරකමකට සමානව ප්‍රතිඵලදායි  වන බවත් ඉන් පුද්ගලයාගේ ශරීර සුවතාවය පවත්වාගැනීමට විශාල දායකත්වයක් ලබාදෙන බවත්ය. දිනකට කෙටි දුරක් ඇවිදීම, දිවීම හෝ සෝපානය වෙනුවට තරප්පු පෙළ භාවිතා කිරීම වැනි සරල ක්‍රියාකාරකම් මඟින් පවා සිරුරට හොඳ ප්‍රතිඵල ලබාගත හැකි වේ.

03. මානසික සක්‍රීයතාව හෙවත්  මනසින් අවදියෙන් සිටීම වැදගත්ය.

වයසට යන විට මතකශක්තිය නැතිවීම ,ඉක්මනින් දේවල් අමතකව යාම වැනි ලක්ෂණ පහළ වීම සාමාන්‍යයයි.එය වියපත්වීමේ ක්‍රියාවලියේම කොටසකි.නමුත්, එය පාලනය කල හැකි බව කිසිසේත් අමතක නොකල යුතුයි. අවශ්‍ය වන්නේ මොලය උත්තේජනය වන ක්‍රියාකාරකම් වල නිරතවීමයි. ඒ සඳහා සරල ක්‍රියාකාරකම් ලෙස  පොත් කියවීම, ප්‍රේහේලිකා විසඳීම, චෙස් වැනි ක්‍රීඩා වල නිරත වීම ආදි දෑ උත්සහ කරන්න. මෙවැනි ක්‍රියා මඟින් මොලයේ විවිධ කොටස් උද්දීපනය වෙමින්, මතකශක්තිය වැඩිවී මානසික ඒකාග්‍රතාව හොඳින් පවත්වාගැනීමට හැකියාව ලැබේ. මොලය අවදියෙන් තබාගැනීමට භාවිතා කරන මෙම ක්‍රම මඟින් මනසේ ආතතීන් හා පීඩාවන් ඇතිවීම වළක්වන නිසා ගුණාත්මක සහ ප්‍රීතිමත් ජීවිතයක් ගත කිරීමට ද ඔබට අවස්ථාව ලැබේවි.

04. අනවශ්‍ය ලෙස ආහාර පාලනය නොකල යුතුයි

අඩු කැලරි ආහාර පරිභෝජනය නිසා සිරුරේ පරිවෘත්තිය වේගය සදහටම නැතිවී යා හැකියි. සිරුරට ලැබෙන්නේ සීමිත කැලරි ප්‍රමාණයක් නිසා සිරුර ශක්තිය රඳවාතබාගැනීමට නිතර උත්සාහ දරයි. එහි ප්‍රතිඵලය වන්නේ සිරුරේ කැලරි ඒකරාශි වි තැන්පත් වීමයි. දිගින් දිගටම අඩු කැලරි සහිත ආහාර අනුභව කිරීමෙන් සිදුවන්නේ සිරුරේ පරිවෘත්තිය වේගය නැවත යථා තත්වයට පත්කරලිය නොහැකි ලෙස මන්දගාමී වීමය. එය හිතකර තත්වයක් නොවෙයි. කැලරි 1200 කින් යුතු ආහාර වේලකින් බර අඩු කරගත හැකි බව ඇත්තක් වුවත් ඉන් අඩු වන්නේ මාංශ පේශී පටක මිස මේද කොටස් නම් නොවෙයි. මාංශ පේශීන් මඟින් මේද වලට වඩා වැඩියෙන් දහනය කරන්නේ කැලරි බැවින්, මාංශ පේශී පටක අඩුවීයාම ඔබේ සිරුරේ බර මනාව පවත්වාගෙන යාමට අපහසුතා මතුකරලිය හැකියි.

05. හොඳ විශ්වාසයකින් යුතුව නිවැරදිව ඇඳුම් ‍තෝරාගන්න.

ඔබේ පෙනීම ඔබට හැ‍ඟෙන දේවල් කෙරෙහි වගේම අන් අය ඔබ කෙරෙහි දක්වන අදහස් කෙරෙහිද බලපානු ලබයි.විශේෂයෙන්ම් ඇඳුම් භාවිතයේදි ඔබේ සිරුරේ වඩාත් කැපී පෙනෙන ලක්ෂණ ඉස්මතුකරමින්  අඩු පාඩු ආවරණය කරන ඇඳුම් පැලඳුම් ‍තෝරාගැනීමට සැලකිලිමත්වන්න.

06. දිනපතා ඔබේ සෞඛ්‍යය තත්වය කෙරෙහි පරික්ෂාකාරී වන්න

අධ්‍යාතතිය, ඔස්ටියෝපොරෝසිස්, ආතරයිටීස්, දියවැඩියාව, කොලෙස්ටරෝල් වැනි රෝග පීඩා ‍රැසක් වයස්ගත වීමේදී වැලඳිය හැකි අවදානම වැඩිය.එවැනි රෝග වලට ගොදුරු වීම නිසා කායික ක්‍රියාශීලිබව ක්‍රමයෙන් අඩුවිය හැකියි. දිනපතා, chech-ups සිදුකරගැනීමෙන් දෛනික වෙනස්කම් හඳුනාගනිමින් සුදුසු ප්‍රතිකාර සඳහා යොමුවීම පහසුවේ.

07. හෙටට කල් නොදමා අද සිටම ආරම්භ කරන්න

අදට කනවා කියලා හිතුවොත් නම් ඔබට බර අඩුකරගන්න් බැරි වේවි. ඒ නිසා අද පටන්ම බර අඩු කරගන්නවා කියලා අධිෂ්ඨානයක් ඇතිකරගන්න. රසවත් ආහාර වලින් ලැබෙන කෙටිකාලින සතුටට වඩා එය දිගුකාලීන සෞඛ්‍යය ප්‍රතිලාභ ඔබට අත්කරදෙනු ඇත. දිනකට දෙපාරක් දත්මදින එක හොඳ පුරුද්දක් ලෙස ඔබේ ජීවිතයට හුරු කරගත්තා වගේම යහපත් සෞඛ්‍යය පුරුදු අනුගමනය කරමින් නිරෝගීව ඔබේ ශරීර සෞඛ්‍යය පවත්වාගැනීමත් එදිනෙදා ජීවිතයේම කොටසක් බවට පත්කරගන්න!