වයිෆ්ට සිටිසන් තියෙනවා ඉතින් අපිත් පදිංචියට ඕස්ට්‍රේලියා යනවා – විශ්ව කොඩිකාර

පුංචි තිරයටත් රිදී තිරයටත් නැතුවම බැරි රංගන ශිල්පියෙක් තමයි විශ්ව කොඩිකාර කියන්නේ, විශ්ව රංගන ශිල්පියෙක් විදියට කලාවට සම්බන්දවෙලා මේ වනවිට වසර 15කට අධික කාලයක් වෙනවා, කොහොම වුනත් මේ වනවිටත් විශ්ව කොඩිකාර ටෙලි නිර්මාණ කිහිපයකටම සම්බන්ද වෙලා තියෙනවා, ඉතින් අපි අද කතා කරන්න සූදානම් වෙන්නේ කාගේත් ආදරේ දිනාගෙන ඉන්න විශ්ව කොඩිකාර සමගයි, විශ්ව මේ දවස්වල හැමෝගෙම ආදරේ දිනාගෙන ඉන්නවා නේද..? ”ඔව් මම මේ දවස්වල කියාදෙන්න ආදරේ තරම් නාට්‍යයේ රඟපාන චරිතයට ගොඩක් ප්‍රතිචාර ලැබෙනවා, පහුගිය දවසක මම මොන්ටිසෝරියක වැඩකට සම්බන්ධ වුණා එතන හිටපු ළමයින්ගේ දෙමාපියන් හැමෝම කතා වුනේ මගේ චරිතය ගැන, හරිම සතුටුයි එහෙම ප්‍රතිචාර ලැබෙද්දී”

විශ්ව එක රාමුවකට කොටුවෙලා කියලා හිතෙන්නේ නැද්ද..? ”මට ලැබෙන්නේ එකම චරිතනේ, ඉතින් කරන්න දෙයක් නෑ, මම ඒවා ප්‍රතික්ෂේප කරන්නෙත් නෑ, මොකද මේ චරිත එපා කියන්න පුළුවන් තත්වයක නෙවෙයි මම ඉන්නේ, එක පැත්තකින් මම ආර්ථිකව වැටිලා ඉන්නේ, දැන් මට ලැබෙන චරිත මම කොහොමද වෙනස් විදියට කරන්නේ කියල විතරයි මම හිතන්නේ, කලින් නාට්‍ය දෙක තුනක චරිත වෙනස් වුනා, ඒ වගේ ඉදිරියටත් වෙනසක් කරන්න මම බලාපොරොත්තු වෙනවා,”

මේ දවස්වල රටේ ප්‍රශ්න වැඩි නිසා බිරිඳ එහෙම කියලා නැද්ද වෙන රටකට යමු කියලා, ”මේ ළඟදී මගේ යාලුවෙක් අපේ ගෙදර ඇවිත් වයිෆ්ට කියනවා මම අහගෙන නංගි සිටිසන් තියෙන එකේ මූව කොහොම හරි එක්කගෙන ඔස්ට්‍රේලියාවේ පදිංචියට යන්න කියලා, වයිෆ් කිවුවා මම නම් කවදාවත් මෙයාට එහෙම කියන්නේ නෑ කියලා, වයිෆ් කියන්නේ මම මෙහෙ ඉන්න ඕන කෙනෙක් කියලා, මගේ බිරිඳ සහ දරුවන් ලබන මාසේ ඔස්ට්‍රේලියාවට යනවා, එයා කවදාවත් මට බල කරලා නෑ රංගය අතහැරලා එයා එක්ක එන්න කියලා ඒ අතින් මම පට්ට වාසනාවන්තයි තව අවුරුදු 10කින් විතර මමත් යනවා”

Related Posts